Nga punonjës shteti, në biznesmen: Perandoria që ngriti Ergys Agasi, brenda 7 vitesh

Nga Fatjon Mejdini

Deri në shtator të vitit 2017, Ergys Agasi ishte një punonjës shteti, drejtor i Inspektoratit të Mjedisit dhe Pyjeve, me një pagë që nuk i kalonte 2,000 euro në muaj. Në fillim të vitit 2018, ai del në skenë si biznesmen.

Në tregun shqiptar, që shumë e konsiderojnë të vështirë dhe të kufizuar, dhe me një pjesë të kompanive që SPAK i konsideron thjesht fiktive, ai ka arritur, brenda rreth 7 vitesh, të krijojë një pasuri mbresëlënëse, ritmin e rritjes së së cilës do ta kishin zili edhe kompanitë botërore të teknologjisë.

Disa nga pasuritë e Agasit të sekuestruara sot nga SPAK:

-Më shumë se 6.5 hektarë pyll në Petrelë

-2,312 m² ndërtesa në Petrelë

– Qindra metra katrorë truall në Lundër dhe në Durrës, me ndërtesa

– Dy truall të tjerë të papërcaktuar për sa i përket sipërfaqes dhe vendndodhjes

– Truall dhe ndërtesë në Dhërmi

– Më shumë se 1 hektar tokë arë

– 6 apartamente në Tiranë dhe Durrës

-7 garazhe

– Mbi 1 milion euro koleksion verash

– Llogari bankare në tre banka (të papërcaktuara)