Merr flakë një automjet në aksin Gjirokastër-Tepelenë, digjet plotësisht

Një automjet është përfshirë nga flakët teksa ishte në lëvizje në aksin rrugor Gjirokastër-Tepelenë.

Ngjarja ka ndodhur pranë kthesës së Picarit, ku një automjet tip Toyota Auris ka marrë flakë gjatë lëvizjes.

Menjëherë në vendngjarje kanë mbërritur shërbimet zjarrfikëse, të cilat kanë ndërhyrë për shuarjen e flakëve.

Pavarësisht ndërhyrjes, automjeti është djegur plotësisht. Fatmirësisht, nga ngjarja nuk raportohet për persona të lënduar.