16 Nëntor, 2026

Rama kërkon përjashtimin nga PS, për Elisa Spiropalin dhe Plarent Ndrecën

 Rama kërkon përjashtimin nga PS, për Elisa Spiropalin dhe Plarent Ndrecën

Kryeministri Edi Rama ka kërkuar që përjashtimi i Elisa Spiropalit nga Partia Socialiste të hidhet në votim.

Rama ka kërkuar që çështja e Spiropalit të kalojë në votim, ndërsa ka komentuar edhe rastin e kryebashkiakut të Tiranës, Erion Veliaj.

“Për atë jo, sepse i ka duart e lidhura”, mësohet të ketë thënë Rama për Veliajn.

Pas kerkeses për Elisa Spiropalin, kryesocialisti Edi Rama ka kërkuar në Asamblenë e PS edhe përjashtimin e avokatit të Erion Veliajt, Plarent Ndrecës. Ky i fundit nuk është në mbledhje.

Mbetet për t’u parë se cili do të jetë qëndrimi i anëtarëve të Asamblesë dhe nëse kërkesa e Ramës do të marrë mbështetjen e nevojshme në votim.

Zhvillimet vijnë në kuadër të mbledhjes së Asamblesë së PS-së, ku pritet të diskutohen edhe çështje që lidhen me organizimin dhe zhvillimet e brendshme të partisë.

Leave a Reply

Adresa juaj email s’do të bëhet publike. Fushat e domosdoshme janë shënuar me një *