“Populli trim shqiptar po zgjohet” – Ideologu i Vladimir Putinit mbështet protestat në Shqipëri

Aleksandër Dugini, ideologu rus dhe mbështetësi i presidentit Vladimir Putin, ka reaguar në rrjetin social X, ku ka dalë në krah të protestave në Shqipëri.

Dugini, i cilësuar gjerësisht si ideologu i presidentit rus Vladimir Putin, shkroi në një reagim në X se, “shqiptarët po tregojnë se kush janë.”

“Tani shqiptarët po i shfaqin ngjyrat e tyre. Ky komb u ndërtua nga të krishterët ortodoksë (prifti ortodoks Fan Noli), dhe islami i tyre është sufist dhe mistik.

Meqë ra fjala, ata janë indoevropianë. Popull shumë interesant dhe trim. Ata po zgjohen tani” – shkroi ai në X.

Reagimi vjen në kohën kur Shqipëria po përballet me protesta të dhunshme gjatë ditëve të fundit.