Emil Bibolli, aktori dhe regjisori i talentuar që u shua vetëm 28-vjeç

Emil Bibolli, aktori dhe regjisori i talentuar që u shua vetëm 28-vjeç!

Emili sot do të festonte 60-vjetorin e lindjes, por jeta e tij e bukur u ndërpre 33-vite më parë në mënyrë tragjike.

Studioi në Institutin e Lartë të Arteve nga ku filloi punën si regjisor. Ishte regjisori më premtues i brezit të tij dhe në Tiranë kërkohej nga teatri dhe Kinostudioja, por pas këmbënguljes së zyrtarëve korçarë, e sollën në Tetatrin e Korçës, pasi që prej Mihallaq Luarasit nuk kishte pasur regjisor të diplomuar.

Talenti i Emilit i tejkalonte ato të familjarëve të tij. Kishte shkëlqyer në Teatrin e Kukullave, por shkëlqimi në Akademinë e Arteve kishte qënë i pazakontë. E quanin e ardhmja e regjisurës shqiptare.

Fati i keq e solli në Teatrin e Korçës, i cili ishte në një rënie të vazhdueshme prej viteve 1973-74. Largimi i Vangjush Furxhiut dhe Minella Borovës, si dhe përfshirja e Llazi Sërbos dhe Jani Rizës kryesisht në filma, kishte dobësuar trupën aktoriale më të mirë në Shqipëri.

Emili interpretoi Ardianin, djalin e vogël të Baki Branicës në filmin Dhe vjen një ditë (1986).

Ndonëse brenda trupës kishte nga ata , që shpresonin në talenti i regjisorit të ri dhe i dëshëronin suksesin, atmosfera e helmuar gati ja sabotoi shfaqjet, që vuri në skenë.

Emili u largua për në Selanik, pas hapjes së rrugëve, që solli ndryshimi i sistemit. Teatri i Korçës nuk kishte as hapësirën dhe as nivelin e duhur për të.

U kthye, jo me këmbët e tij, në një ditë, kur shiu nuk kishte të pushuar.

Emili u vetëvra në rrethana misterioze.

Korça, mbase padashje, kishte larguar  dhe vrarë edhe një artist tjetër.

Sot ai prehet në varrezat e qytetit të Korçës!

I paharruar qoftë Emil Bibolli 1965–1993! (Giseld Dervishi)