16 Nëntor, 2026

Del emri i parë nga PD, si kandidat përr Bashkinë e Gjirokastrës

 Del emri i parë nga PD, si kandidat përr Bashkinë e Gjirokastrës

Alma Buçi përmendet si një nga emrat potencialë për të kandiduar për kryetare të Bashkisë Gjirokastër në zgjedhjet e ardhshme vendore.

Sipas informacioneve që vijnë nga disa burime pranë strukturave politike, ajo pritet të jetë pjesë e garës përballë kandidatit që do të nxjerrë Partia Socialiste.

Buçi vjen me një rezultat politik që mund të ketë peshë në këtë garë. Në zgjedhjet e fundit parlamentare, ajo rezultoi e para në votimin popullor brenda opozitës, një tregues i mbështetjes që gëzon në radhët e elektoratit opozitar.

Nëse kandidatura e saj konfirmohet, Gjirokastra mund të përballet me një garë interesante politike, ku përballja nuk do të jetë thjesht mes dy kandidatëve, por edhe një test i forcës së opozitës për të sfiduar pushtetin vendor.

Deri në një konfirmim zyrtar, emri i Alma Buçit mbetet një kandidaturë e përfolur nga burime pranë strukturave politike.

Leave a Reply

Adresa juaj email s’do të bëhet publike. Fushat e domosdoshme janë shënuar me një *