Çmenduri në Iran, Trump shfaqet në arkivol

Një banderolë e madhe që paraqet presidentin amerikan Donald Trump brenda një arkivoli është vendosur në qendër të Teheranit, në një nga shfaqjet më të fundit të retorikës kundër Shteteve të Bashkuara.

Në imazh shfaqen gjithashtu edhe arkivolet e bashkëshortes dhe fëmijëve të presidentit amerikan, të mbuluara me flamuj amerikanë.

Zhvillimi vjen në një kohë tensionesh të larta mes Washingtonit dhe Teheranit.

Presidenti Donald Trump deklaroi se sulmet amerikane ndaj Iranit do të vazhdojnë derisa ai të vendosë se “mjafton”. Ai paralajmëroi gjithashtu se Shtetet e Bashkuara mund të godasin të gjitha centralet energjetike të Iranit, nëse Teherani refuzon të rikthehet në tryezën e negociatave.

Deklaratat dhe simbolika e përdorur në Teheran pasqyrojnë përshkallëzimin e tensioneve mes dy vendeve, ndërsa përpjekjet diplomatike për uljen e krizës mbeten të pasigurta.