Besa e Ramës, që ia dha edhe Veliajt e Tahirit, dhe që nuk e besojnë as Bela me Tigrin

Nga Lavdrim Lita

Kryeministri në stilin flagrant të Fidel Kastros mbajti me muhabet deputetë e ministra për orë të tëra duke premtuar reflektim e sqarim. Me dokumente siç thotë ai shitësi i pronave në Durrës.

Në fakt, me rrena, përralla e përmbetime e ka shtyrë ca vite në qeverisje. Por njerëzve ju ka dalë narkoza.

Askush nuk ja beson më fjalët për Ligjin për Investimet strategjike, për Zonat e mbrojtura, për Paketën e Maleve, për qindra reforma (shëndetësi falas, arsim modern, bashki europiane) që ka bërë e ka dashur të bëjë.

Është thjesht në arrati mendore për të dalë nga një shtetrrethim demokratik i protestës që ka tronditur themelet e legjitimitetit të tij.

Protesta ja ka hequr maskën europiane, e ka zhveshur nga moraliteti publik dhe ka zbuluar qelbin e administratës së tij të korrupsionit! Çdo zyrë një dyqan patronazhistësh.

Ai ju jep ‘besën’ shqiptarëve siç janë ka thënë besën Erion Veliajt, Ilir Beqes, Saimir Tahirit, Lefter Kokës, Jyrgys Çyrbes e shumë të tjerëve në qeli.

Dy ish-krahët e të majtë e të djathtë Bela e Tigri nuk ja kanë besën, pse duhet ta kenë të tjerët!?

Ai ka frikë nga protesta sepse i tregon burgun, konfiskimin e pasurisë dhe që nuk do ta gëzojë pensionin e artë!