Aktorja e njohur ndërron jetë papritur në moshën 36-vjeçare, 3 vite më parë ndërroi jetë dhe vëllai i saj i vetëm (vetëm 28 vjeç)

Aktorja amerikane Hayden Panettiere, e njohur për rolet e saj në serialet “Heroes” dhe “Nashville”, ka ndërruar jetë në moshën vetëm 36-vjeçare. Lajmi është konfirmuar nga përfaqësuesi i saj për ABC News.

Babai i saj, Skip Panettiere, e kujtoi Hayden si “një dritë të jashtëzakonshme dhe një forcë të natyrës”, duke theksuar dashurinë dhe gëzimin që ajo u kishte sjellë njerëzve pranë saj dhe miliona fansave në mbarë botën.

Panettiere e nisi karrierën që në fëmijëri dhe u bë e njohur ndërkombëtarisht fillimisht përmes “Heroes”, ku interpretoi Claire Bennet. Më pas ajo mori një tjetër rol të rëndësishëm si Juliette Barnes në “Nashville”, performancë që i solli edhe dy nominime për Golden Globe. Ajo u shfaq gjithashtu në filma si “Remember the Titans” dhe në ekskluzivitetin “Scream”.

Në vitet e fundit, aktorja kishte folur hapur për periudha të vështira të jetës së saj dhe për dëshirën që përvojat personale t’i përdorte për të ndihmuar të tjerët të mos ndiheshin vetëm. Në një nga intervistat e saj të fundit, ajo shprehu shpresën se mund ta linte botën “një vend më të mirë” se sa e kishte gjetur.

Vdekja e saj vjen vetëm pak ditë para ditëlindjes së 37-të. Deri tani, shkaku i vdekjes nuk është bërë i ditur dhe autoritetet po hetojnë rrethanat.

Humbja e Hayden është veçanërisht e dhimbshme për familjen, pasi vëllai i saj i vetëm, aktori Jansen Panettiere, ndërroi jetë në vitin 2023, në moshën 28-vjeçare, pas komplikimeve të lidhura me një problem të zemrës.