Luana Vjollca drejt rikthimit në Top Channel?

Viti 2027 pritet ta rikthejë Luana Vjollcën në ekran, pikërisht në televizionin ku nisi rrugëtimi i saj televiziv. Moderatorja e njohur shqiptare duket se po përgatitet për një rikthim në Top Channel, këtë herë me një format që publiku e ka kërkuar vazhdimisht.

Burime ekskluzive për Bordo bëjnë me dije se Luana Vjollca pritet të rikthehet me programin “Shiko Kush Luan”, i cili pritet të nisë në janar të vitit 2027. Bëhet fjalë për një nga formatet më të dashura të moderatores, që gjatë transmetimit në Top Channel pati sukses për disa sezone.

Pas këtij suksesi, Luana e vijoi rrugëtimin me një format të ngjashëm në televizion Klan, përmes programit “Zemër Luana”, ku sërish ishin pjesë lojërat, sfidat dhe intervistat me personazhe të njohur nga fusha të ndryshme.

Rikthimi i “Shiko Kush Luan” duket se është një lajm i shumëpritur edhe nga vetë fansat e moderatores, të cilët, siç ka treguar edhe Luana shpesh herë në Instagramin e saj, ia kanë kërkuar vazhdimisht rikthimin e këtij formati.

Ndërkohë, vitet e fundit Luana Vjollca ka qenë gjithashtu edhe pjesë e dy formateve reality, “Love Island Albania” dhe “Ferma VIP 2”.

Paralelisht me ekranin, ajo i është përkushtuar edhe sipërmarrjes.