“Unë i kam veç me banditë” – Taulant Balla distancohet nga publikimi i videove me “pullë të kuqe”

Për debatin e publikimit të videove erotike që kanë shpërthyer ditët e fundit në rrjet, ka reaguar dhe vetë ai, Taulant Balla.

“Dy fjalë mbi disa vepra penale që po konsumohen në këto orë ndaj disa personazheve publike.

Mbrojtja e grave nga çdo formë dhune, përfshirë dhunën dhe abuzimin në hapësirën digjitale, është përgjegjësi e shoqërisë dhe e institucioneve.

Publikimi dhe shpërndarja e videove apo materialeve intime pa pëlqimin e një gruaje është cenim i rëndë i privatësisë, dinjitetit dhe të drejtave të saj.

Përballë kësaj forme dhune, viktima nuk duhet të fajësohet, gjykohet apo stigmatizohet.

Nisja e hetimeve nga Policia e Shtetit dhe referimi i çështjes në Prokurori janë hapa të domosdoshëm për identifikimin e autorëve dhe vendosjen e tyre përpara përgjegjësisë ligjore.

Mbrojtja e grave është mbrojtje e dinjitetit njerëzor.

Asnjë grua nuk duhet të jetë e vetme përballë dhunës, në internet apo jashtë tij”, thotë zoti Balla në reagimin e tij.

Për fatin e tij, Balla nuk përflitet për video erotike.

Vetëm për video dhe përgjime me bandat e Elbasanit, ku porositen edhe vrasje.

Por ato, nuk cenojnë as dinjitetin dhe as privatësinë e viktimave! (Thuaje.al)