Met Bega, ikona e humorit dhe mjeshtri i batutës

Më 7 gusht të vitit 1946 lindi aktori i mirënjohur i humorit, Met Bega.

Ai u kthye në një figurë mjaft të dashur për publikun shqiptar.

Met Bega lindi në Tiranë, më 1946-ën dhe pjesën më të madhe të karrierës së tij e kaloi në Estradën e Tiranës.

Gjatë karrierës së tij të gjatë, Met Bega është nderuar me çmime të ndryshme.

Përveç interpretimeve në Estradë, Met Bega do të mbahet mend për interpretimet e tij në kinematografi, në filmat komedi aq të dashur për publikun, si: “Dy herë mat”, “Edhe ashtu edhe kështu”, “Stolat në park” dhe “Telat për violinë”.

Aktori ndërroi jetë në vitin 2015.

Prej shumë kohësh ai vuante nga sëmundja e Parkinsonit.