Hipokrizia e maskarenjve: E nisin punën si avokatë të qytetit, e mbyllin si ekzekutorë të tij

Nga Ermal Mulosmani

Te Diga e Liqenit, në këmbë të saj, sot po gërmohej një shesh ndërtimi. Një ndërtesë shumëkatëshe po bëhet gati të ndërtohet.

Ok është. Por kurrë nuk do të harroj protestat e Erion Veliajt para Gjykatës kur gjykohej një padi e tij kundër ndërtuesit për kompleksin e Bashkim Ulajt që sot është i banuar.

Jo vetëm që e denoncoi por edhe protestonte para gjykatës ky vigan i demagogjisë. Thua me vete që “u bë ça u bë, tash ky tipi do na mbrojë”…

Ndërsa tani, Bashkia e tij ka dhënë vetë leje për një tjetër ndërtim, po aty.

Kjo është hipokrizia dhe shpërdorimi i hapur i detyrës.

Nëse do të duhej që Erion Veliaj të dënohej për diçka është shkatërrimi i çdo hapësire publike në Tiranë, kthimi i qytetit në një fjetore betoni në të cilin nuk gjen një park lojërash apo oborr ku fëmijët mundet të marrin frymë.

Kjo është hipokrizia e maskarenjve që qeverisisn: E nisin punën si avokatë të qytetit, gjelbërimit, hapësirave dhe e mbyllin si ekzekutorë të pamëshirshëm të tyre!