Në Izvor e Vasjar nuk mbyllin dot muajin, Tërmet Peçi: Po ecim me ritme të shpejta drejt BE-së

Tërmet Peçi ka qenë një ditë më parë në fshatrat Izvor dhe Vasjar, ku është takuar me disa banorë.

Ai u ka treguar atyre, se me sa ritme të shpejta po ecën Shqipëria drejt Bashkimit Europian.

“Izvor & Vasjar – Në vijim të takimeve me strukturat socialiste dhe banorët e zonës, po punojmë për ristrukturimin e organizatës bazë dhe identifikimin e shqetësimeve kryesore të komunitetit.

Angazhimi ynë mbetet i qartë: përmbushja e objektivave dhe realizimi i projekteve konkrete për një Shqipëri që ecën me ritme të shpejta drejt integrimit në Bashkimin Europian.

Me energji dhe përgjegjësi, mbetemi të hapur për bashkëpunim, për shkëmbim idesh dhe përballje të përbashkët të sfidave, me synimin për të ndërtuar më shumë dhe më mirë së bashku”, shkruan deputeti socialist.