Trump është gati të japë urdhrin për luftë ndaj Iranit
Presidenti i SHBA-ve, Donald Trump, është shumë afër urdhërimit të një lufte të madhe kundër Iranit, një operacion që pritet të zgjasë javë dhe të duket më shumë si luftë e plotë, se sa operacioni i synuar muajin e kaluar në Venezuela.
Burimet për transmetuesin izraelit N12 theksuan se kjo mund të jetë një fushatë e përbashkët midis SHBA-ve dhe Israel, me një shkallë shumë më të gjerë dhe me ndikim ekzistencial për regjimin iranian, krahasuar me luftën 12-ditore të qershorit të kaluar, ku SHBA-të iu bashkuan për të shkatërruar objektet bërthamore të nëntokës së Iranit.
Një konflikt i tillë do të ketë pasoja dramatike për gjithë rajonin dhe mund të ndikojë gjatë tre viteve të mbetura të mandatit të Trump.
Sipas raportimeve, Trump kishte qenë afër një sulmi ndaj Iranit në fillim të janarit pas vrasjes së mijëra protestuesve nga regjimi iranian. Pas shtyrjes së operacionit, administrata amerikane ndoqi një qasje dyfishe: bisedime për çështjet bërthamore dhe një përforcim masiv ushtarak në Lindjen e Mesme. Deri tani, një marrëveshje me Iranin duket larg arritjes.
Në këtë moment, “armata” e Trump përfshin dy aeroplanmbajtëse, një duzinë anijesh lufte, qindra avionë luftarakë dhe sisteme të shumta mbrojtjeje ajrore. Vetëm 48 orët e fundit, 50 avionë luftarakë F35, F22 dhe F16 janë dërguar drejt rajonit, ndërsa më shumë se 150 fluturime transporti ushtarak kanë transferuar armë dhe municione.
Këshilltarët e Trump, Jared Kushner dhe Steve Witkoff, zhvilluan një takim tre-orësh në Gjenevë me ministrin e Jashtëm iranian, Abbas Araqchi, ku u raportua për “progres” në bisedime, por diferencat mbeten të mëdha.
Zëvendëspresidenti JD Vance tha se diplomacia mund të ketë arritur kufijtë e saj dhe se presidenti mund të vendosë të ndërmarrë veprime ushtarake nëse nuk arrihet marrëveshje.
Ekspertët paralajmërojnë se një konflikt i tillë mund të ndryshojë dinamika e Lindjes së Mesme dhe të ketë pasojë serioze për stabilitetin rajonal, duke përfshirë aleatët dhe partnerët strategjikë të SHBA-ve dhe Izraelit.