Pse po bie turizmi në Përmet?

Banorët dhe vizitorët po përballen me një situatë të vështirë në zonën e Përmetit, ku restorantet dhe bizneset e ushqimit po abuzojnë me çmime të larta dhe cilësi jo të mirë të ushqimeve, duke ndikuar në mënyrë drastike në imazhin turistik të kësaj zone.

Gjatë viteve të fundit, turistët që vijnë në Përmet për natyrën e bukur, llixhat e Bënjës dhe traditat lokale, raportohet se janë zhgënjyer nga shërbimi në disa restorante dhe çmimet që shpeshherë janë tepër të larta krahasuar me atë që ofrohet.

Sipas tregimeve dhe ankesave të banorëve dhe turistëve, shumë restorante në qytet dhe fshatra të zonës po vendosin çmime të larta për ushqime që shpesh mungojnë në cilësi dhe shije tradicionale, duke bërë që vizitorët të largohen të pakënaqur ose të zgjedhin të shpenzojnë më pak.

Sipas një raporti të organizatave të turizmit, niveli i kënaqësisë për cilësinë e restoranteve në qytetin e Përmetit është nën pritshmëri, duke rezultuar në një notë më të ulët krahasuar me destinacione të tjera në Shqipëri, gjë që duhet të shërbejë si sinjal për autoritetet dhe bizneset lokale që të përmirësojnë standardet e shërbimit dhe ushqimit.

Për më tepër, në gjithë Shqipërinë, çmimet e prodhimeve të ushqimit vazhdojnë të jenë ndjeshëm të larta, përfshirë edhe në tregjet lokale, duke rënduar edhe më shumë xhepin e vendasve dhe të turistëve