Pse hesht Amerika, për rastin “Balluku”?

Ambasadat kryesore në Tiranë kanë reaguar sot për imunitetin e Ballukut.

Që nga ajo e Britanisë, Gjermanisë dhe Holandës.

Ka reaguar dhe zyra e Delegacionit të BE-së në Tiranë.

Por reagimi që pritej më shumë se kushdo, ka munguar.

Në “Rrugën e Elbasanit”, ku ndodhet Ambasada amerikane, ka pllakosur heshtja.

Askush nga Ambasada më e rëndësishme në vend, nga ky i sytë çdokush në Shqipëri, nuk ka reaguar për refuzimin e socialistëve për t’i hequr imunitetin Ballukut.

Si për ironi, i vetmi reagim që kanë bërë sot, është një njoftim në rrjetet sociale, për një vend pune.

Nuk dihen arsyet e kësaj heshtje, por mirë do të ishte, që të mbanin një qendrim, qoftë edhe formal.

Se jo për gjë, por SHBA është mbështetësi kryesor i SPAK.

Dhe në këtë rast, socialistët janë duke sfiduar pikërisht SPAK, që kërkon arrestimin e Ballukut.

Heshtja e amerikanëve, merret si një sinjal trimërimi për Ramën dhe socialistët.

Gjë që po e tregojnë me veprime konkrete, duke sfiduar publikisht SPAK.