Deputetja socialiste: Të kthejmë trendin e çobanit

Deputetja socialiste, Marjana Koçeku, ka takuar disa çobanë këtë fundjavë.

Ajo thotë se është e pakuptueshme, që ky profesion të paragjykohet.

Koçeku shprehut se duhet kthyer trendi i çobanit.

“Nder gjanat ma t’pafalshme t’shoqnisë tonë aktuale asht kompleksi ndaj profesionit të çobanit. Si mundet me u paragjyku dikush pse ushtron nji profesion kaq fisnik e natyrdashës si ai i çobanit?! T’rinj që diskriminohen deri n’krijimin e familjes veç për faktin se janë çobanë.

Çobani asht i pari njeri që ka njoftë kërpudhat e ngranshme, bimët shëruese e ato t’konsumueshme. Pa çobanin s’kena as kuzhinë, as turizëm t’qëndrueshëm!

Çobanët duen vëmendje, duen mbështetje dhe e meritojnë plotësisht, sepse janë artizanët e jetës sonë të përditshme.

Make çobani cool again”, shkruan ajo.

Kujtojmë që pak kohë më parë, ish-ministrja e Bujqësisë, Frida Krifca, kërkoi edhe hapjen e një Akademie për çobanët.