I dhuroi veshkën të shoqes, ia kërkon pas divorcit

Një histori e pazakontë nga New York City është rikthyer sërish në vëmendje për shkak të debatit që ngjalli mbi kufijtë mes sakrificës personale dhe të drejtës ligjore.

Richard Batista, një mjek nga New York-u, i dhuroi bashkëshortes së tij një nga veshkën në vitin 2001 për t’i shpëtuar jetën, në një akt që në atë kohë u cilësua simbol i dashurisë dhe përkushtimit.

Por vetëm pak vite më vonë, martesa e tyre u shemb dhe çifti përfundoi në divorc. Pikërisht aty nisi edhe beteja ligjore që e bëri çështjen të famshme në mbarë botën.

Batista kërkoi nga gjykata ose kthimin e veshkës së dhuruar, ose një kompensim prej 1.5 milionë dollarësh, duke argumentuar se sakrifica e tij kishte pasur një kosto të madhe personale dhe financiare.

Kërkesa u refuzua nga gjykata, e cila vendosi se organet e dhuruara nuk mund të konsiderohen pronë dhe, si të tilla, nuk mund të rikthehen apo të trajtohen si pjesë e ndarjes së pasurisë në një proces divorci.

Rasti u bë viral jo vetëm për natyrën ekstreme të kërkesës, por edhe sepse ngriti pyetje më të thella mbi kuptimin e sakrificës në marrëdhënie: a mbetet një akt i pastër altruizmi, apo ndryshon kuptim kur lidhja që e motivoi përfundon në konflikt?

Historia e Batistës mbetet edhe sot një nga rastet më të pazakonta në jurisprudencën familjare amerikane, duke rikthyer debatin mbi kufirin mes trupit, pronësisë dhe emocioneve pas një ndarjeje.