Ukraina godet rëndë njësinë “Akhmat” të Kadyrovit

Ukraina ka ndërmarrë një operacion të koordinuar që i ka shkaktuar humbjet më të mëdha që nga viti 2022 njësisë “Akhmat”, e lidhur me Rusinë dhe liderin çeçen Ramzan Kadyrov.

Sipas Inteligjencës Ushtarake të Ukrainës, operacioni u zhvillua nga njësia speciale “Shamanbat”, në bashkëpunim me Brigadën e 104-t të Mbrojtjes Territoriale dhe me mbështetje të strukturave të inteligjencës.

“Humbjet e njësisë ‘Akhmat’ janë më të mëdhatë që nga fillimi i luftës”, thuhet në deklaratën zyrtare.

Sipas të dhënave paraprake, të paktën 40 luftëtarë rusë janë vrarë dhe mbi 80 të tjerë janë plagosur gjatë sulmit.

Forcat ukrainase përdorën një kombinim goditjesh me dronë dhe artileri për të shkatërruar mjete transporti dhe automjete të blinduara të njësisë.

Njësia “Akhmat”, e lidhur me Rosgvardian ruse, është përdorur në operacione në Ukrainë që nga fazat e para të pushtimit në shkallë të gjerë.

Autoritetet ukrainase e cilësojnë këtë operacion si një nga goditjet më të rëndësishme ndaj kësaj force, ndërsa pritet publikimi i pamjeve të detajuara në ditët në vijim.