DENONCIMI: Si po bëjnë namin policët, tatimorët dhe inspektorët nga Gjirokastra, me gjoba në Përmet

Gjirokastër larg duart nga Përmeti!

***

Turren policët e Gjirokastrës në Përmet dhe gjobisin gjithë shoferët dhe makinat tona.

Turren tatimorët e Gjirokastrës në Përmet dhe gjobisin e falimentojnë gjithë bizneset tona.

Turren inspektorët e Ushqimit të Gjirokastrës në Përmet dhe falimentojnë punishtet dhe restorantet tona.

Turren gjithë gazetarët gjobvënës të Gjirokastrës në Përmet dhe kërcënojnë e u kërkojnë lekë gjithë institucioneve tona.

Turren specialistët e mjedisit të Gjirokastrës në Përmet dhe bllokojnë turizmin tonë në lumin Vjosë.

Turren inspektorët e ndërtimit të Gjirokastrës në Përmet dhe bllokojnë punimet tona.

Mbyllet gjykata në Përmet dhe detyrohen hallexhinjtë dhe avokatët të shkojnë në Gjirokastër.

Organizon Përmeti festa e festivale por xhelozohet Gjirokastra dhe tenton ti shkatërrojë.

Rënohet e falimentohet spitali në Përmet dhe detyrohen të sëmurët të vizitohen në Gjirokastër.

Kërkojnë Kempin përmetarët e sëmurë mendorë dhe u përton bytha doktorëve gjirokastritë të vijnë në Përmet por detyrojnë pacientët me familjarët e tyre të shkojnë në Gjirokastër.

Votojnë përmetarët çdo katër vjet por në parlament shkojnë vetëm deputetët gjirokastritë.

Bëjnë dallavere Flamur Golemi, Piro Dhima, Klement Ndoni në Këlcyrë dhe poshtërojnë e kërcënojnë me video të ndyra familjaret tona…

Dhe autoritetet publike në Përmet tremben e struken, kanë frikë të reagojnë, bëjnë kompromise me dallaveraxhinjtë gjirokastritë.

Por tani e tutje larg duart nga Përmeti ju zyrtarët e korruptuar gjirokastritë, larg duart nga Përmeti ju politikanët hajdutë gjirokastritë, kujdes ju zyrtarët përmetarë që bëni kompromise me ta.

Përmeti nuk u toleron më, kujdes mos luani me përmetarët se do infektoheni me viruset e turpit e nuk do ketë doktor tu shërojë dot!!! (Bashkësia Përmet)