Lëvizje e pazakontë ushtarake e SHBA-ve: përfshihen edhe forcat Delta

Një lëvizje e konsiderueshme e forcave ushtarake amerikane drejt Lindjes së Mesme është vërejtur ditët e fundit, me të paktën 35 fluturime transporti ushtarak të tipit C-17 që nga 12 marsi, ndërsa edhe 11 të tjera janë në rrugë.

Sipas të dhënave të analizuara nga burime të hapura (OSINT), fluturimet janë nisur nga disa baza kryesore në territorin amerikan, përfshirë Hunter Army Air Field në Georgia, Joint Base Lewis-McChord në Washington, Pope Army Air Field në Karolinën e Veriut dhe baza të tjera të ushtrisë, marinës dhe forcave ajrore.

Destinacionet kryesore përfshijnë bazën ajrore Ovda në Izrael dhe dy baza në Jordani, duke sugjeruar një përqendrim të shtuar ushtarak në rajon.

Ajo që bie më shumë në sy është përfshirja e njësive elitare, përfshirë elementë të forcës speciale Delta (CAG), të lidhura me bazën në Pope Field/Fort Liberty. Këto njësi janë të njohura për operacione të ndjeshme dhe me rrezik të lartë.

Nga të dhënat rezulton gjithashtu prania e njësive të tjera speciale si Rangers, SEAL Team 6 (DEVGRU) dhe aviacioni special 160th SOAR, çka tregon për një përgatitje të mundshme për operacione komplekse.