“Jeni komunistë” – Po Samiri, Çeti dhe Bashkimi, a janë oligaarkë, zoti Rama?

Kryeministri Edi Rama deklaroi gjatë ditës së sotme, se në Shqipëri, nuk ka oligarkë.

Sipas tij, ata që e thonë një gjë të tillë, janë komunistë.

Por çfarë është një oligark?

Oligark është një person shumë i pasur dhe me ndikim të madh, zakonisht në ekonomi dhe politikë, që ka fuqi disproporcionale mbi vendimet e një shteti ose sistemi.

Termi vjen nga koncepti i oligarkia — një formë qeverisjeje ku pushteti kontrollohet nga një grup i vogël njerëzish.

Me fjalë të thjeshta:

Një oligark është:

-shumë i pasur

-me lidhje të forta politike

-që ndikon në vendime të rëndësishme të shtetit

Tani a ka të tillë në Shqipëri, meqë Rama pretendon se jo?

Sigurisht që po, pasi është në sytë e të gjithëve, që Shqipëria kontrollohet nga tre apo katër biznesmenë të fuqishëm, të cilët ndikojnë direkt në vendimet e Qeverisë, që nga ndërtimi i rrugëve, deri tek aeroportet.

Mjafton, fjala vjen, të shohësh përgjimet e Belinda Ballukut, se si favorizohej biznesmeni Bashkim Ulaj për Thumanë-Kashar.

Për të mos folur pastaj për dy oligakrkët e tjerë të mëdhenj në Shqipëri, Samir Mane dhe Kastrati, që kontrollojnë rrugët, detin dhe ajrin, dhe që i shkojnë dhe në zyrë Ramës, herë pas here.

Madje dalin dhe në revistën Forbes si miliarderë.