Rama presion deputetëve të PS për Ballukun: Mos guxoni të vonoheni ose të mungoni

Deputetët socialistë janë lajmëruar që nesër të paraqiten më herët në seancë, që prej orës 8:30 të mëngjesit.

Po ashtu deputetëve socialistë iu është bërë me dije se çdo mungesë e tyre në seancë do të cilësohet si shkelje e vendimit të grupit të PS.

Nesër Partia Socialiste pritet të votojë kundër kërkesës së SPAK-ut për heqjen e imunitetit të Belinda Ballukut, e cila u shkarkua nga posti i zv.kryeministres.

Po ashtu opozita ka thirrur në orën 10:00 një protestë para godinës së Kuvendit, tubim që do të mbahet paralelisht me seancën plenare, që pritet të shoqërohet me tensione.